දිනෙන් දෙකෙන් ගායක බැස යනවා

රූප පෙට්ටියට මූණ දාන්නට
රටට ඇසෙන්නට ගීත ගයන්නට
හැකියාවක් හොද හැටි මට නැතුවට
ඔබේ මනාපය ඇති ජයගන්නට

මිහිරි හඩින් ගී ගයන්ට බැරුවට
තාලෙට ගීතය කියන්ට හැකිමට
මේකප් තවරාගෙන හොද හැටියට
හොදට රගන්නට හැකිය මෙමා හට

නිතර සිනහවෙන් මුව සරසන්නේ 
ගන්න මෙමා හට ඔබෙ අවධානේ
වැඩි කර ගන්නට හැකි නම් මනාපෙ
ගීත කිරුළ ගන්නට හැකි මෙවාරෙ

ගායකයෝ දැන්නම් වැහිවැහැලා
ගීත සිය ගණන් එළි දක්වනවා
විදින්ට රසයක් නැතිවද මන්දා
දිනෙන් දෙකෙන් ගායක බැස යනවා

රටේ පවතිනා මහ ගැටලුවකී
ගයකයෝ අඩුවක් දැයි නොදනී
නාලිකා ජයටම තරග කරද්දී
රටේ ගැටලු කොහි යනවද නොදැනී